不過我諗因為Yahoo Blog快將關閉，好多前Yahoo Blogger都會陸續入伙了。
琴晚老公返晏，得我同仔仔Owen撐檯腳，通常我都會煮碟頭或西餐，一來簡單，二來可以整係新菜式。 仔仔好樂意做我o既白老鼠。
琴日就整左呢個魚柳菠菜卷，呢個菜式簡單又清淡，加d白汁用黎配飯，意粉或薯菜都無問題。
琴日我就揀左配意粉，用d用剩o既菠菜加白汁煮，再炸左d煙肉黎吊味，好配，好好味，仔仔食左兩碟呀。
食譜：
急凍魚柳兩片(選較小，較薄身的)
菠菜12兩
鹽／胡椒粉小許
-菠菜放入已加1茶匙鹽的滾水中煮約15秒，即放入凍水中沖至降溫，再榨乾水份備用
-魚柳解凍 ，吸乾水份，灑上小許鹽，胡椒粉
-把適量菠菜放在魚塊上，再卷成魚卷(要卷得結實點，否則會散)
-再用微波爐保鮮紙包好，兩端如牛奶般糖打圈紐實
-將包好的魚件放再碟上，再蓋上錫紙隔水蒸8分鐘
-趁熱小心微波爐保鮮紙除去，放再白汁上便完成
註：
-菠菜用較多葉的部份，莖部留煮意粉用，不會浪費
-除左蒸，也可用煎的方式，但要用牙簽將魚卷定型 (不用包保鮮紙的程序)，不過我覺得蒸會清淡點。
